Хорт/ич/ь, -чья, -чье прил. От основы хортиц/а. СО — суффиксальный, суффикс -j- со значением притяжательности; ср. отечь, дѣдичь; о происхождении чередования ц // ч см. §10, §17.
В словарях современного русского языка прил. хортичь не зафиксировано.
а сего чему не расмотрите· ѡже начтенъ смердъ ѡрати· и половчинъ приѣха [у]дарить смерда стрѣлою· а кобылу его поиметь· [а] в село в(ъ)ѣхавъ поиметь жену его и дѣти· и все имѣнье его возметь· то лошади его жалуешь· а самого чему не жалуешь· и не могоша противу ему· ѿвѣщати дружина ст҃ополча· и рече ст҃ополкъ брате· се азъ готовъ ѹже· и въста ст҃ополкъ· и рече ему володимеръ· тоти брате велико добро створиши русьскои земьли. и посласта къ двдв҃и и к олгови глщ҃[а]· поидита на половци· а любо будемь живи любо мртв҃и· двд҃ъ же послуша ею· а ѡлегъ не послуша сего· вину река не здоровлю· володимерь же цѣловавъ брата своего· поиде пе[р](е)славлю· а ст҃ополкъ по немь· и двд҃ъ свѧтъславичь {и дв҃дъ} {всеслави(ч)} и мьстиславъ· игоревъ ѹнукъ· вѧчьславъ рополчичь· рополкъ володимеричь· и поидоша на конихъ· и в лодьхъ· и приидоша ниже поро[г]ъ· и сташа въ протолчехъ· и в хортичи[мъ] ѡстровѣ· [Повесть временных лет по Ипатьевскому списку (1110-е)].